Heiðdís Ragnarsdóttir

27.9.2007 | 15:09

Kústurinn minn er vitlaus!

Sko, Stefán Bogi var að þvælast eitthvað á Grundarfjörð í gær og var þar í nótt. Þegar ég er ein heima á næturnar þá hef ég yfirleitt opið fram úr svefnherberginu. Ég geri það af því að mér finnst voða kósí að hafa Kúst uppi í rúmmi hjá mér þær nætur (annars sefur hann alltaf í stofunni). "Tilgangurinn" með að fá sér kött var meðal annars að ég hefði kompaní þegar Stefán er ekki heima. Nema hvað að hann yrti ekki í mig í allt gærkvöld, jafnvel þótt ég bæði hann ítrekað að koma og kúra hjá mér. Hann kom ekki einu sinni þegar ég fór upp í rúm að sofa. Hann komst ekki í knúsustuð fyrr en korter í sjö í morgun...þegar það voru tíu mínútur í það að ég átti að fara á fætur !!! Vittleysingur...