Myndir

Myndablogg......

Mig minnir að ég hafi tekið þessa mynd til þess að sýna fína lampann minn. Sé það núna að ég hefði átt að fluffa púðana fyrst....

Ég keypti blóm á sunnudaginn af því að þá hefði amman mín átt afmæli. 5. október hefur undanfarið verið blómadagur hjá mér. Ég kaupi blómvönd og fer með eitt blóm (rós) upp í kirkjugarð til ömmu og hef svo afganginn hjá mér. Nú vill svo til að ég tók ömmu ekki með mér austur þannig að ég gaf pabba hans Stefáns Boga rósina í staðin. Og þetta eru svo mín blóm

Kreppusparnaður. Nennti ekki að fara og kaupa afmælispappír fyrir gjafirnar hans Stefáns svo ég pakkaði þeim inn í fréttablaðið sem kom út á afmælisdaginn hans. Og fór svo út í skóg og náði í nokkrar jurtir sem voru ennþá með lit. 9.október er alveg síðasti séns á svona skrautmunum. Stefán var mjög ánægður með gjöfina sína. Ég ætla að prjóna á hann lopapeysu

Sér einhver snilldina við þennan ost ???

Ég var að klára að sprjóna þessa peysu. Hún er ekki tilbúin (ég á að virka grennri í henni ), ég er bara búin með prjóni partinn. Ég er bara einstaklega stollt af því þar sem þessi peysa er prjónuð úr plötulopa en hann slitnar í sundur MJÖG auðveldlega. Þannig að ég með alla mína kæki og kippi er stollt af sjálfri mér fyrir að klára þessa einstöku peysu. Núna á ég bara eftir að lykkja saman undir höndunum, sauma stroffið, ganga frá endum, sauma eftir brugna partinum, klippa hana í sundur og dúlla helling við það (hún á sko að vera opin og hneppt og setja á hana smellur. Og ég á ekki saumavél..... I need my mummy...

Ég sit núna ein heima, var að klára prjónipartinn af þessari peysu og er spennt að byrja á peysunni hans Stefáns. Var að horfa á Made of Honor og er núna að horfa á Bridget Jones 2 með einhverjum spurningarleik inní og í lok myndarinnar segir myndin mér hvernig draumamaðurinn minn er. Spennandi. Þó að mér finnist Stefán stundum vera of mikið að heiman þá verð ég að viðurkenna að ég hef það afskaplega huggulegt þegar ég er ein heima. Ætli það megi ekki segja að ég sé heimakær

Athugasemdir

[Lutheran Dude, 11.10.2008 kl. 01:26]

Ógeðslega ert þú fljót að prjóna kona... en ég fattaði snilldina við ostinn, til hamingju ég!

[Jóhanna Steinsd. (IP-tala skráð) 11.10.2008 kl. 10:26]

Hei... flott peysan. Mér finnst þú ekkert smá dugleg að klára svona peysu... bara vinnan og svo úr plötulopa í þokkabót...

og já, ég sá snilldina við ostinn... ;)

En lampinn?? Hvar er hann á myndinni???

Kv. Jóhanna ;)

[Heiðdís Ragnarsdóttir, 11.10.2008 kl. 17:23]

hehe, já lampinn er kannski ekki svo greinilegur þegar maður veit ekki af honum. Þetta er standlampinn sem við fengum í innflutningsgjöf frá systkinum Stefáns.  Hann er bakvið sófann og það er kveikt á minna ljósinu.

Osturinn var extra góður á bragðið ...

[Elín (IP-tala skráð) 11.10.2008 kl. 22:01]

Ég á líka mann sem vinnur mjög mikið, það hefði verið miklu hentugra að við byggjum nær hvor annarri til að eyða saman kvöldum þegar mennirnir eru að vinna!

[Hugrún (IP-tala skráð) 12.10.2008 kl. 01:14]

I got the cheese

[Guðmundur Karl Einarsson (IP-tala skráð) 12.10.2008 kl. 13:53]

Ég þurfti smá detective work en fattaði svo snilldina :-)

[Þjóðarblómið, 12.10.2008 kl. 17:42]

Það er svo skemmtilegt á þessum tíma þá eru farnar að koma vörur sem renna út á afmælisdaginn minn :) ég er líka svona afmæliskona eins og þú. Það var alveg ógeðslega gaman að vinna í 10-11 og fylla á mjólkurkælinn svona fimm dögum fyrir afmælið og sjá: útrunnið 19.12 Love it :) Elska líka þegar klukkan er 19:12

[Þjóðarblómið, 12.10.2008 kl. 17:43]

Og ég er að íhuga búferlaflutninga austur á Hérað

[Heiðdís Ragnarsdóttir, 13.10.2008 kl. 09:31]

vá, ég sem hélt að ég væri sú eina sem hefði gaman af því að sjá afmælisdaginn minn á klukkunni

[Tinna Rós Steinsdóttir, 13.10.2008 kl. 14:59]

Ég fæ aldrei afmælisdaginn minn á klukkuna.....og þykir það mjög leiðinlegt. En einu sinni var kílómetramælirinn á bílnum mínum 240886....mér fannst það snilld :D
.....varð eiginlega aðeins of spennt yfir því :p

[Heiðdís Ragnarsdóttir, 13.10.2008 kl. 15:16]

hey það er geðveikt....

[Eva, 14.10.2008 kl. 19:51]

Flott peysa !!

Vildi að ég gæti prjónað svona fínt :þ
og jú... ég fattaði ostinn hehe ;)