Helgin

"a wedding, I love weddings, drinks al around !".......hver sagði þetta ???

Berglind og Jón Ómar eru hjón. Og það afskaplega falleg hjón. Brúðkaup eru yndisles. Skil ekki fólk sem finnst ekki gaman í brúðkaupum. Eníhús, eins og Hlín sagði þá verður erfitt fyrir mig að toppa þetta. Held að ég reyni það barasta ekkert. I will just do my owne thing (merkilegt hvað skriflega enskan er fljót að fara þegar maður er ekki lengur í skóla !). Hafði mjög gaman að því að þau fengu leynigest í veisluna. Regína Ósk kom og söng þrjú lög (við Þóra biðum báðar eftir því að Friðrik Ómar kæmi á eftir henni ). Ég var á tímabili búin að ákveða hvaða leynigestur ætti að koma í mitt brúðkaup, annað hvort Einar Ágúst eða Gunni Óla (eða báðir). En ég held að ég geri ekki þá kröfu lengur. Hef aðeins þroskast síðan þá...en bara smá.

Fór svo í göngutúr í Hólavallakirkjugarði við Suðurgötu á sunnudaginn. Fór svo heim og leitaði að ættingjum sem ég á í garðinum á islendingabok.is og svo gardur.is. Komst að því að ég á þrjú sett af langalang afa og ömmum. Við Heiða fórum því aftur um kvöldið og fundum leiðin þrjú. Voða "gaman". Þetta eru nefninlega leiði í elsta hlutanum af garðinum þannig að þau eru öll þarna í "kuðlinu". Finnst alveg magnað að ganga þarna um, 6-7 manns nánast á sama staðnum. Heilu fjölskyldurnar grafin saman, risa minnis merki um þennan og hinn og fullt af merkilegu fólki. Ef maður kann eitthvað í sögu þá finnur maður fullt af fólki sem maður kannast við. Skuggalega gaman að skoða kirkjugarða !!! Nýju kirkjugarðarnir eru ekki svona skemmtilegir, enda allir grafnir í röð og ekkert gaman af því

Svo er það bara Prag á laugardaginn ....

Hot me

Ég er greinilega mjög falleg í Reykjavík. Ég hef verið að þvælast í bænum í dag og á miðvikudaginn. Á miðvikudaginn var sagt við mig á götuhorni "þú ert flott....þú ert flott....áttu pening...þú ert flott". Nei þetta var ekki rosalega fallegur handboltakappi eða rokkari. Ekki einu sinni myndarlegur túristi. Nei þetta var einn af bæjarins bestu...þ.e. róni/útigangsmaður/ógæfumaður/alkoholist.

Í dag var ég semsagt aftur í bænum (bæði skiptin um miðjan dag). Var að koma út úr máli og mennignu þegar maður sem gengur fyrir aftan mig lætur mig vita að ég sé falleg. Segir það þrisvar og spyr mig svo hvort að ég sé ekki að vestan. Ég þakkaði fyrir mig, sagðist ekki kannast við það að vera að vestan og labbaði svo í hina áttina. Again, ekki læknir, arkitekt eða lögfræðingur heldur einn af bæjarins verstu. Verður að viðurkennast að þeir hafa afskaplega góðan smekk, en ég hefði það alveg ágætt án þeirra. Saknaði allt í einu Guðmunds í Byrginu þar sem menn áttu örugglega heima fyrir ári síðan!

Brúðkaup á morgun. Gaman gaman.

Bíó and alone again !

Ég er komin í bæinn og þá fara allir aðrir úr bænum. Mamma, pabbi og Heiða eru að fara á Landsmót skáta svo ég verð ein í húsinu. Hugrún er reyndar við hliðina á mér en hún er að vinna á dagin. Af hverju er fólk ekki í sumarfríi til að hitt mig. Skrítið

Fór á mamma mia í kvöld. Skemmtileg blanda af aulahrolli og skemmtun. Magnað hvað bíóin geta haft hljóðið á hasarmyndum hátt stillt en söngvamyndir eru einhverstaðar í medium. Þegar ég fer á söngleik þá vil ég hafa tónlistina svolítið hátt stillta svo maður geti þess vegna raulað með án þess að allur salurinn heyri í manni. Þetta hefur pirrað mig á phanton of the opera, sweeney todd og núna á mamma mia. Ég myndi fara á power sýningu á mamma mia ef hún væri í boði !!!

Pierce Brosnan getur alveg sungið. En hann getur ekki mæmað/leikið sig syngjandi...er svo skrítinn á svipinn alltaf þegar hann syngur !! Meryl Streep hefur einhvernvegin aldrei heillað mig sem leikkona en eftir að hafa séð hana í The Devil wears Prada og núna syngjandi í Mamma Mia þá er ég að taka hana í sátt. Sá hana ekki fyrir mér syngjandi á grískri eyju en hún "negldi" þetta bara. Góð skemmtun um leið og maður losar sig við aulahrollin og bara skemmtir sér (en hljóðið má vera hærra !!)

Síminn sukkar

Sagan af símanum heldur áfram. Við vorum vakin á mánudagsmorgun af símamanni sem spurði hvort við værum heima, hann væri á leiðinni. Við drifum okkur á fætu til að vera ekki í rúminu þegar hann kæmi. 10 mín seinna hringdi hann aftur. Skógarsel...jújú hann var þar, 17 A er það ekki. Jú. En hann fann ekki neitt 17a bara 17. Stefán fór út á stöppur og sá ekki neinn. Aumingja maðurinn leitaði og leitaði í Skógarselinu í breiðholti og fann bara ekki 17a. StupidStupidStupid.... Stefán var reiður þegar hann hringdi í símann í gær og heimtaði að eitthvað væri gert rétt þar sem við værum búin að vesenast í þessu í þrjár vikur. Það kom maður í dag (meðan við vorum ekki heima of course) og tengdi símann. Stefán fékk meira að segja sms um að öllu væri lokið. Þegar hann kom heim prófaði hann símann og viti menn.....enginn &%#$%&/()(/ sónn....men hvað þetta fer að vera mikið pirrandi. Finnst að við eigum að fá mánuð ókeypis vegna vittleysisgangs hjá símanum. Þeir eru að verða búnir að skemma mánuð hjá okkur (sem við auðvitað borgum fullt gjald fyrir) og kosta okkur amk 7500 kall í mannaheimsókn.

Ég er semsagt komin í bæinn og er á Vesturgötunni. Eyddi deginum í dag með Haddý og Egil. Framundan er chill í bænum, brúðkaup og meira chill. Loving it. Við Hugrún verðum svo einar heima þar sem the rest of the famely verður á skátamóti á akureyri. Gaman að því.

Búin að setja inn myndir af vikunum mínum á Egilsstöðum í myndaalbúmið hérna til vinstri. Skoðiði húsið mitt  já og kreisí garðálfana í garðinum. Held í alvörunni að konan fyrir neðan okkur sé ofvirkur garðálfur í dulargerfi....

Egilsstaðir vika 2

Nei ég er ekki komin með netið heim til mín. Þökk sé símanum. Ég hringdi í símann áður en ég flutti til að flytja númerið okkar og netið. Ég mátti það ekki af því að það var skráð á Stefán. Hann hringir og er tjáð að við þurfum að fá einhvern mann til að tengja símadósina okkar og það mun kosta amk 7500krónur. Byrjað á því að senda beiðni austu. Svo hringir Stefán í síðustu viku til að vita hvað er að gerast. Þá er honum tjáð að allt sé tengt og nú eigi að koma sónn í simann. Heiðdís prófar og reynir og tengir símann á alla mögulega vegu, með og án internets og með og án síu og millistykkis og ég veit ekki hvað og hvað. Heiðdís hringir þá aftur og spyr hvað sé í gangi....já þið eruð í nýrri íbúð og það þarf að koma maður fyrir 7500 kall og tengja eitthvað hjá ykkur. AAAaaarg. Send beiðni AFTUR og sjáumst hvað gerist í næstu viku. Ég ætla að hringja í þá á hverjum degi í næstu viku þangað til þetta er komið í lag. Stupid mannleg mistök. Þoli ekki þegar ég ætla að hugsa fram í tímann og láta eitthvað ganga fljótt og út af vitleysu í einhverjum öðrum þá gerist ekki neitt.....arg arf arg.

Eníhú. Fyrir utan þetta símavesen þá gengur allt vel. Við skelltum okkur í útilegu síðustu helgi á Mývatn. Þar var einhver lókal útihátið sem heitir Úlfaldinn....geðveikt sniðugt. Við fórum bara af því að Hraun var að spila. Ég er nefninlega orðin grúppía hjá þeim núna. Voða gaman, "djömmuðum" svo með hljómsveitinni. Loksins er ég orðin alvöru grúppía. Samt greinilega orðin fullorðin grúppía þar sem ég var með manninn minn með mér og hljómsveitarmeðlimir flestir með sína maka með sér....damn it. En þetta var voða gaman. Stefán kom með tjald sem hann fann í geimslunni hjá mömmu sinni og ég er sannfærð um að það er frá 1970. Set inn mynd þegar ég get...er nokkuð viss um að ég get fundið mynd af afa mínum við svipað tjald frá sautjánhundruð og súrkál. En það var ágætt að sofa í því og þar er víst það sem skiptir máli. Ég er búin að taka fullt af myndum síðustu daga af öllu og engu og mun setja þær inn við tækifæri.

Við fórum svo í bítúr um Mjóafjörð á mánudaginn. Veigur Stefánsbróðir og fjölskylda er búin að vera hérna í vikunni í sumarbústað og þau buðu okkur með í bíltúr. Mikið einstaklega er Mjóifjörður flottur. Keyrðum alla leið út á Dalatanga. Þar er viti og bær og eitthvað. Set inn myndir af því líka. Það er rosa mikið af flottum fossum í mjóafirði. Labbaði upp hjá tveimur. Fyndið samt að mér fannst svo erfitt að hætta að labba upp...langaði alltaf aðeins hærra og aðeins hærra. Verð að draga Stefán með mér í svona fossagöngu einhvertíma.

Hef ekki verið að gera neitt merkilegt síðan á mánudaginn. Stefán vinnur og vinnur og ég hangsa og hangsa í sumarfríinu mínu. Er búin að labba um bæinn, prófa vídjófluguna og heimsækja apótekið. Fór á pósthúsið og sendi bréf með lykli í og fór með eina þvottakörfu á sorpu. Núna er mér farið að leiðast. Ekki af því að það sé ömurlegt að búa á Egilsstöðum heldur af því að Stefán er alltaf að vinna og ég þekki engann. Hef þess vegna ákveðið að flýta reykjavíkur ferð minni um nokkra daga og kem í bæinn á mánudagskvöld (Stefán líka af þvíað hann er að fara á fund). Hann fer til baka á þriðjudag en ég verð lengi. Næ þá að hitta á Haddý frænku og einhverja fleiri. Veiti Hugrúnu litlu félagsskap á meðan restin af famelíunni fer á skátamót á Akureyri. Nice nice.

Ég leyfði Kústi að fara út á miðvikudaginn. Hann hefur varla komið inn síðan. Honum finnst svo gott að vera úti. Fyndið samt að hann kemur alltaf þegar ég kalla á hann. Ég þarf ekki að gera annað en að standa á svölunum eða við útidyrnar og tala eða kalla á hann þá kemur hann. Hann er svo mikið krútt.

HEf verið að stunda kaffi Valný töluvert á síðustu tveimur vikum. Langar að benda eigendum og forstjórum Kaffitárs og Te og Kaffi (sen skoða þessa síðu auðvitað reglulega) að latteið á Kaffi Valný kostar 300 krónur bollinn hvort sem það er síróp í því eða ekki. Kaffið kaupa þær af te&kaffi. Í bænum kostar latte bolli yfirleitt um 350 krónur og fer oft uppí 400 ef það er síróp í því. 300 krónur hjá Valný....klöppum fyrir því og púum á okrið í bænum (og kaffið hér er ekki verra (oftast betra) en í rvk...eigum við að ræða það eitthvað eða....)

Fjúff, verð að fara að hætta núna...sól úti og svaðalega heitt hérna á skrifstofunni hans Stefáns sem ég laumaði mér á til að netast aðeins á meðan hann horfir á fótbolta.... untill later....luvluvluv

Flutt !!

Jæja, komin í smá siðmenningu á Egilsstöðum. Var að hugsa um að fara á bókasafnið til að kíkja á netið en mundi þá skyndilega að það er smá nettenging hérna á kaffi Valný. Finnst miklu skemmtilegra að sitja með latte bolla og tölvuna mína heldur en að hanga í einhverri almenningstölvu. Plús það þá er þetta miklu meira kúl  Er reyndar hrædd um að færslan týnist þar sem tengingin er frekar hæg miðað við það sem maður er vanur...en vona að þetta hverfi nú ekki allt. Heiða heldur því fram að þetta sé frumstæð tenging, held frekar að það séu margir að nota hana. Það er alveg alvöru net á Egilsstöðum.

Ég er semsagt flutt austur. Flutningarnir gengu vel. Ofurhress bílstjóri kom og keyrði dótið okkar austur. Ég fékk her manna til að hjálpa okkur að koma dótinu í bílinn og þrífa litla kjallarann. Bíllinn sem flutti fyrir okkur var bíll plús kerra og við fengum kerruna undir okkar dót. Hún var skilin eftir í lundahólunum á meðan bíllinn fór í grafarholtið til að ná í búslóðina hjá Hlín og Þorgeiri. Pabbi og Biggi, mágur Stefáns, röðuðu í kerruna eins og þeir hefðu aldrei gert annað. Þeir voru eins og í eigin heimi í því að raða og ég er nokkuð viss um að það hefði ekki verið hægt að raða þessu betur. Mamma kom svo með mér í bílnum austur og pabbi kom fljúgandi um kvöldið. Þau voru hjá okkur um helgina og voru mikil hjálp. Pabbi hengdi upp og setti saman flest það sem átti að fara saman og mamma raðaði upp eldhúsinu hjá mér. Núna er eldhúsið mitt voða mömmulegt  Við pabbi settum svo saman bókaskáp sem ég keypti áður en við fórum austur. Við eigum tvo skápa sem eru ekki eins á litin af því að annar er keyptur í ikea en hinn einhverstaðar annars staðar. Litamunurinn er samt mjög lítill. Ég fór því ekki í ikea í þetta skiptið heldur í hirzluna til að kaupa nýjan skáp (hélt að hinn skápurinn hefði verið keyptur þar). Það kemur svo í ljós þegar við erum búin að setja skápinn saman að hann er í allt öðrum lit en hinir tveir...þessi nýi er miklu dekkri þannig að núna er ég með þrjá mismunandi liti á bókaskápunum mínum. Damn þetta var pirrandi af því að ég hélt að ég væri svo klár að kaupa sama lit. Þetta er samt frekar fyndið...

Kústur hagaði sér mjög vel í bílferðinni austur. Hann byrjaði að væla en hætti svo og lagði sig. Vaknaði eftir ca hálftíma, vældi smá og lagði sig svo. Þetta gerði hann alla ferðina. Svaf en minnti svo aðeins á sig á ca. hálftíma fresti. Á Akureyri ákvað ég að hleypa honum aðeins út til að teygja úr sér. Var með hann í bandi. Hann var ekki alveg að fatta það og ég efast um að hann hafi haft nokkuð gott af því að viðra sig svona. Hann var úti í svona 10 mínútur og mamma hló að mér mest allan tíman. Enda hálf asnaleg bæði tvö, ég með kött í bandi og kötturinn dauðskellkaður í bandi á bílstæði á Akureyri. Stupid really. Kústur virðist nú vera missáttur við að vera fluttur. Fær ekkert að fara út nema aðeins á svalirnar og má ekki lengur kúra í rúmminu okkar (erum nefninlega komin með svo fancy rúmteppi!) Hann er því búinn að hertaka svefnsófann (viðeigandi). Hann var svo áttavilltur greyið þegar hann kom að hann reyndi að skíta í fatahrúguna hans Stefáns. Mér tókst þó að koma í veg fyrir það og benda honum á sandinn sinn. Hann hefur þó verið að æla aðeins en ég er að vona að hann fari að hætta því. Frekar leiðinlegt og ógeðslegt. Er ný búinn í ormahreinsun þannig að ég vona að það sé ekki það sem er að angra hann. Ætli ég reyni ekki að halda honum inni en um sinn áður en ég sleppi honum lausum í skóginn

Ég hef ekki mikið gert í íbúðinni síðan mamma og pabbi fóru. Stefán fékk mig til að sjá um eldamennsku í frjálsíþróttaskóla sem ÚÍA er með og það hefur tekið töluverðan tíma. Svo er ég líka búin að fara aðeins í leikskólann sem ég verð að vinna í til að sjá hvað ég verð að gera og aðeins að sjá krakkana sem ég verð að vinna með. Lofar góðu og ég held að ég verði ekkert SVO mikið úti á túni. Bara spennandi. Ég fer þó að verða leið á að stika í kringum kassa þannig að ég reyni örugglega að koma þeim frá á næstu dögum. Þá get ég líka farið að setja inn myndir. Ekkert gaman að sjá myndir af kössum. Þið verðið bara að bíða eftir að ég nenni að ganga frá til að sjá hvað íbúðin mín er flott (sem hún er). Ég er rosa ánægð með hana og veit að það verður gott að búa í henni.

Ég er líka búin að vera menningarleg í þennan stutta tíma minn hérna fyrir austan. Fór á miðvikudaginn á tónleika í Bláu Kirkjunni á Seyðisfirði með Páli Óskari og Monicu. Það var æði. Við Stefán ræddum það áður en Palli kom fram um það hvort hann yrði í hvítu jakkafötunum eða í glimmer/pallíettu galla. Hann var í hvítum pallíettu fötum. Það var æði. Við keyrðum aðeins um Seyðisfjörð eftir tónleikana og fundum gamlan bekkjarbróður Stefáns úti á palli með kærustu sinni og systur. Stoppuðum þar í smá stund og komumst að því að Svavar Knútur (úr Hraun) væri að koma kvöldið eftir til að trúbadorast á Hótel Öldunni á Seyðisfirði ásamt áströlskum trúbador. Þeir eru einmitt með eitthvað alþjóðlegt trúbador conspiracy í gangi. Ég ákvað á staðnum að ég ætlaði aftur á Seyðisfjörð daginn eftir. Stefáni leyst eitthvað illa á að ég væri ein á báti (þar sem hann var að stinga af til Reykjavíkur) þannig að hann fékk þetta fólk til að ættleiða mig. Þau semsagt sátu á borðinu hjá mér í gær. Ohhh þetta var svo æðislegt kvöld. Þeir sungu og sögðu sögur og þetta var svo skemmtilegt. Svo sat ég við gluggan og gat horft á þokuna leysast upp og fjöllin koma í ljós og fjúffenheimer þetta var svo fallegt. Yndislegt kvöld. Keyrði svo heim í þokunni klukkan hálf þrjú þar sem mér var boðið í smá eftir tónleikahitting með "fólkinu" og tónlistarmönnunum. Gaman gaman.

En já þetta er semsagt það sem ég hef verið að bauka á Egilsstöðum. Vá orðið langt...til hamingju þeir sem nenntu að lesa svona langt. Spurning hvenar ég blogga næst...kannski heima hjá mér !!! Hver veit

Here we go !

Síðasta bloggfærslan úr bænum í bili. Nú er stefnan tekin austur. Búið að koma öllu í bílinn og kötturinn fékk náðarsamlegast að dvelja í þvottahúsinu hjá mömmu í eina nótt. Spennandi hvernig hann á eftir að fíla átta tíma akstur austur. Ef þið sjáið konu með svartan og hvítan kött í rauðu bandi einhverstaðar á landsbyggðinni á morgun þá er það ég að viðra köttinn

To close for comforte !!

Pfff. Trúi ekki að ég hafi sett inn þessa fínu myndafærslu og ég fæ bara eitt komment. Reyndar skemmtilegt komment en bara eitt !!! Þessi vika er nú búin að vera ágætlega strembin og á ekkert eftir að "skána".  Mánudagurinn minn fór í stúss, tannlækni, dýralækni, kaupa kassa og flytjidót og keypti náttborð. Þriðjudagurinn fór í að pakka. Hugrún og mamma komu og björguðu mér seinni partinn og við vorum að troða í kassa langt fram á kvöld. Í dag var ég líka að stússast aðeins, pakka og þrífa. Ég þreif baðherbergið SVO vel að ég held að Tóta geti borðað af gólfinu. Kannski ekki samt, örugglega sápubragð af því!  Svo hjálpaði pabbi mér (og Hugrún) að flytja dótið okkar sem við höfum geymt á Vesturgötunni í bílskúrinn hérna. Og við fluttum rúmmbotninn okkar og einhverja kassa upp í bílskúr. Ég er sko búin að vera geðveikt dugleg þessa vikuna!

Á morgun kemur svo flutningabíllinn og tekur dótið okkar og flytur það austur á föstudagsmorgun. Ég og mamma ætlum að keyra austur á föstudaginn og pabbi flýgur til okkar um kvöldið. Partý á Egilsstöðum um helgina  

Shitt svo á ég eftir að halda á þessu öllu upp á aðra hæð OG taka uppúr þeim aftur og raða og skipuleggja. Sem sagt...NÓG að gera.

Og hvernig er geðheilsan núna....bara nokkuð góð. Var rosa hamingjusöm að klára vinnuna síðasta föstudag og svo var gleðigangan um helgina. Hlakka meira til að flytja heldur en ég kvíði fyrir. Held ég eigi samt eftir að fá meira en vægt sjokk svona í október þegar ég geri mér grein fyrir því að ég ætla mér að vera þarna í myrkrinu í "sveitinni" í einhver ár ! Eins gott að Stefán Bogi verði skilningsríkur við litla borgar/mömmu barnið.

Man ekki eftir fimm vörðum á hálsinum !!

Fimmvörðuháls. Fínasta gönguleið. Meira upp en ég bjóst við. Varð þreyttari á leiðinni upp en ég bjóst við en ég kenni Sólveigu um. Hún er í svo fanta miklu formi að hún nánast hljóp upp hlíðina. En hún var sem betur fer aðeins orðin þreytt þegar við fórum niður  Smá myndasjó til að lýsa ferðinni:

Tinna og Sólveig klukkan hálf sjö á laugardagsmorgni

Heiðdís tilbúin að skella sér á hálsinn !

Og svona leit ég út fjórum tímum seinna eftir að hafa þrammað upp á hálendið og var loksins komin í smá pásu. Pásan entist samt ekki lengi þar sem það var skítakuldi þarna uppi. Ég var hálf þunglynd síðast klukkutímann að skálanum og fannst allt ómögulegt en korteri eftir að við lögðum aftur af stað var allt orðið betra og skemmtilegra.

Killer útsýni. Það var bara æði að labba niður í Þórsmörk. Ég hef nefninlega aldrei komið þangað. Mamma og pabbi fóru mikið með okkur systurnar á ferðalög um landið á sínum tíma og við höfum nú komið víða. En við höfum aldrei komið í Þórsmörk. Og ég er bara hneyksluð á því. Það er viðbjóðslega fallegt þarna og mig langar rosalega mikið í útilegu þangað til að geta gengið meira um og skoðað.

So pretty

Það var auðvitað útilegu djamm um kvöldið. Hérna erum við búnar að borða og Andri (Írafár) í hörkustuði á gítarnum og Þóra að syngja með.

Tinna komin í splitt á jörðinni.

Og allar komu þær aftur og engin þeirra dó !!!

Nenni ekki aðsetja inn fleiri myndir...það tekur svo langan tíma. En ferðin heim var löng þar sem það var bras að komast úr þórsmörkinni. Fullt af ám til að fara yfir og svona. Hef sjaldan setið í geðverri rútu. Ef ég hefði verið rútubílstjórinn þá hefði ég smellt smá ræðu í míkrafóninn um að ef fólk héldi ekki kjafti þá myndi ég stoppa rútuna og neita að keyra í bæinn. Voða jafnaðargeð sem þessi leiðindar bílstjóri hafði. En jey, það var gaman.

ok ein í viðbót af kisa uppi í tré...